Намаз жана даарат: кадам сайын
Жаңы үйрөнүп жаткандар үчүн: кичи жана толук даарат, намаз кантип окулат — кадам сайын, сүрөттөр менен, эмне окулат жана канча жолу.
Ханафий мазхабы боюнча, Кыргызстанда кабыл алынгандай. Суроолор калса — «Суроо-жооптордо» сураңыз
Канча ракаат
Ар бир намаз — фарз (милдеттүү бөлүгү) жана анын алдындагы же артындагы сүннөт. Сүннөт фарздан өзүнчө, өз ниети менен окулат.
| Намаз | Алдындагы сүннөт | Фарз | Артындагы сүннөт | Витир |
|---|---|---|---|---|
| Багымдат | 2 | 2 | — | — |
| Бешим | 4 | 4 | 2 | — |
| Аср | 4* | 4 | — | — |
| Шам | — | 3 | 2 | — |
| Куптан | 4* | 4 | 2 | 3 |
| Жума | 4 | 2 | 4 | — |
- * Мустахаб сүннөт: окуса сооп, окубаса күнөө жок.
- Витир — куптандан кийинки үч ракаат; ханафийлерде ал ваажип, башкача айтканда милдеттүү. Үчүнчү ракаатта рукуудан мурун «Кунут» дубасы окулат.
- Жума намазы бешимдин ордуна жүрөт жана мечитте имам менен, жума хутбасынан кийин окулат.